३०-३५ वर्षांपूर्वी सुप्रसिद्ध चित्रपट अभिनेते आणि शांभवी यांचे पती श्री. जयराम हर्डीकर यांचे अपघाती निधन झाले. प्रेमाचा डाव नुकताच कुठे रंगायला लागला होता. दोन गोजिरवाण्या मुलींनी जयराम आणि शांभवी यांचे कुटुंब साकारले होते. एकसंध असे हे कुटुंब एका क्षणात विसकटून गेले. शांभवीला खरेच वाटेना की, आपला निरोप घेऊन गेलेले जयराम आता परत कधीच परतणार नाहीत. पण म्हणतात ना, ‘बाईचे पहिले प्रेम कधीच संपत नाही.’ शांभवी सगळे सोपस्कार पूर्ण करीत, आपली कर्तव्ये पाळीत जगत राहिली. पण प्रत्येक क्षणाचा साक्षीदार होता जयराम.

ग्रेव्हयार्ड ऑफ एम्पायर्स म्हणजेच साम्राज्यांची दफनभूमी म्हणून ख्यात असलेल्या अफगाणिस्तानचा प्रदीर्घ इतिहास मोठा उलथापालथीचा आणि जटिल आहे. अफगाणिस्तानचं गेल्या शतकभराचं राजकारण प्रक्षुब्ध आणि रक्तरंजित राहिलं आहे. ऑगस्ट २०२१ ते फेब्रुवारी २०२२ या कालखंडातल्या अफगाणिस्तानातील घटनांना केंद्रस्थानी ठेवून प्रस्तुतच पुस्तक दुस्तर अफगाणिस्तान म्हणजे गेल्या शंभर- सव्वाशे वर्षांच्या राजकीय इतिहासाचा आंतरराष्ट्रीय राजकारणाच्या परिप्रेक्ष्यातून – घटना आणि संकल्पना या दोहोंतून घेतलेला वेध आहे.

‘मळभ कोरोनाचे’ हे पुस्तक अनुभवावर आधारलेले आहे. मुंबई, ठाणे ग्रामीण, पालघर, सिंधुदुर्ग (देवगड) या भागात काम करता आले. त्या अनुभवातून हे पुस्तक लिहिले आहे. त्याचबरोबर गाठीशी असलेला अनुभव, इंटरनेट माध्यम, वर्तमानपत्रे (देशी / विदेशी) अहवाल याचा अभ्यास करून आपल्यासमोर ‘मळभ कोरोनाचे’ पुस्तक आणले आहे, प्रत्यक्ष माजी आरोग्य मंत्री डॉ. दीपक सावंत यांनी.

श्री. अरुण साठे यांनी मुंबई विद्यापीठातून वाणिज्य आणि अर्थशास्त्र या विषयांत पदव्युत्तर शिक्षण पूर्ण केल्यानंतर एल. एल. बी. पदवी मिळवली. ते मुंबई उच्च न्यायालयाचे नियुक्त वरिष्ठ वकील आहेत, आणि विविध सार्वजनिक कामांमध्ये सक्रिय आहेत. लेखकाने पन्नास वर्षांच्या कालावधीत लढवलेले लढे, केलेले सामाजिक कार्य आणि त्या सर्वांविषयीची त्यांची मते, दृष्टिकोन या पुस्तकात व्यक्त झाला आहे. हे त्यांचे आत्मचरित्र नाही तर राजकारणासह अनेक राजकीय नेत्यांबरोबर असलेल्या त्यांच्या संबंधांचा घेतलेला हा आढावा आहे. लेखकाचे अनुभव, त्यांचे विचार आणि विविध राजकीय नेत्यांविषयीचे अनेक प्रसंग वाचकांना आवडतील आणि तरुण वाचकांना विचारप्रवृत्त करतील असे आहेत.