“वाहत्या काळानेही बांधून टाकता येत नाहीत, अशी कलाकृती आकाराला येते, तेव्हा त्यामागे अभ्यास असतो; तंत्र असतं; एक ठोस शास्त्र असतं. पण त्याही पलीकडे काहीतरी भक्कम कारण असतं. त्या कारणाशी पोहोचता यायला हवं.” “हे अव्याहत चक्र आहे. नवीन उगवतच राहतं प्रत्येक काळात.” “हे गरजेचं नाहीच की निर्माणाच्या काळात त्याचा उद्देश कळेल किंवा पोहचेल सर्वांपर्यंत, जन्म ते अर्थ यामध्ये कदाचित हजारो वर्षांचं अंतर असेल. या हजारो वर्षांनी एखाद्या अवलियाची वाटच पाहिलेली असते रे, जो जगाला सांगणार असतो, निर्माणामागचा उद्देश !”

आपल्या भारतीय संस्कृतीत एक सर्वसाधारण समज असा आहे की, सामान्य माणसांच्या ‘भोग’ आणि ‘चैन’ यांचा आदर्श (Role Model) म्हणजे ‘अमेरिका!’  दुसर्‍या बाजूला आपल्या व्यावहारिक, प्रापंचिक जगण्यातील पुण्यकर्माचे ‘फलित’ म्हणजे; कैलाश-मानसरोवर यात्रा! परदेशवारीत अनुभवलेली पाश्चात्त्यांची सभ्यता, शिस्त, भौतिक आनंद घेण्याची वृत्ती तर कैलाश- मानसरोवर यात्रेत अनुभवलेली ‘यात्रेकरूंची’ भक्ती व त्याच्याबरोबर आत्मक्लेश करून घेण्याची सहनशक्ती.

जगावेगळी माणसं, जगावेगळ्या गोष्टी म्हणजे डॉक्टरांच्या अनुभवाच्या अथांग सागरातून मंथन करून मिळालेले अमूल्य मोती, हिरे, माणकं! स्वत:च्या कुटुंबासाठी, मित्रांसाठी, समाजासाठी तसेच जगाच्या कल्याणासाठी झटणार्‍या या व्यक्ती म्हणजे खरे आदर्श आहेत.

एका सर्वसाधारण विद्यार्थ्याने स्पर्धेच्या झगमगाटात संघर्ष करत डॉक्टर बनण्याचे स्वतःचे स्वप्न व घरच्यांच्या अपेक्षा ह्या सर्व गोष्टींची सांगड घालत यश कसे संपादन केले याबद्दल उलगडा करणारे हे पुस्तक. तसेच डॉक्टर व इंजिनीयर होऊ इच्छिणार्‍यांसाठी, विविध परीक्षांसंबंधी महत्त्वपूर्ण माहिती व ज्या परीक्षांत ज्यांनी उत्तुंग यश मिळविले आहे. अशा गुणवंतांची मनोगते देखील दिली आहेत.