महाकाय पिरॅमिड, लांबच लांब पूल, डोळ्यांना सुखावणाऱ्या सिडनी ऑपेरासारख्या कलाकृती, प्राचीन लक्षवेधक मंदिरे आणि आयफेल टॉवर, या सर्वांनाच परिस स्पर्श लाभला आहे तो इंजिनीअरचा. आयआयटी मुंबईतून अभियांत्रिकीतील डॉक्टरेट मिळवलेल्या प्रा. हेमंत पाटील यांनी जगभरातील चाळीसच्या वर मेगास्ट्रक्चर कशी आकाराला आली याचा सोप्या भाषेत घेतलेला आढावा म्हणजे हे पुस्तक आहे.

हे पुस्तक वाचल्यानंतर जेव्हा तुम्ही एखाद्या पुलावरून तुमची गाडी चालवत जाल, भव्य सभागृहात बसून ऑपेरा अनुभवाल, रौद्ररूप असलेल्या समुद्राखालून कोरून काढलेल्या बोगद्यातून गाणं ऐकत लॉन्ग ड्राईव्हला जाल, त्यावेळी त्या अचाट आणि अफाट कामामागे ज्या अज्ञात कार्यकर्त्यांचे श्रम खर्ची पडले असतील, तेव्हा याची आठवण तुम्हाला नक्कीच येईल. याशिवाय दहा मुलखावेगळ्या परंतु प्रतिभावान आर्किटेक्ट्सची करून दिलेली ओळख वाचताना, एक वाचक म्हणून तुमचा प्रवास नक्कीच समृद्ध होईल.

असीम सौंदर्य उधळले हे विधात्याने
पाहता पाहशील किती या दोन डोळ्यांनी ।
पक्षी जग निरखता मन होई दिग्मूढ
जीवन त्यांचे अद्भुत तर अंत वाटे गूढ ।।

पक्षी ही निसर्गाची एक अपूर्व निर्मिती आहे. पक्ष्यांमधील विविधता व त्यांची रंग संगती थक्क करून टाकते. आमच्या संग्रहातील पक्षांच्या स्तिमित करणाऱ्या प्रतिमांनी प्रेरित होऊन पुस्तकरूपाने हे सौंदर्य तुमच्या पर्यंत पोहचवण्याचा हा एक छोटासा प्रयत्न.

घटना – प्रसंग तसे साधे …
नेहमीच्याच जीवनातले …
आपल्याला त्यात काही विशेष वाटत नाही…

पण तेच सारं सुरेश खरे यांच्या मिश्किल, हसऱ्या, उपरोधिक, व्यंगभेदक नजरेतून वेगळं रुप घेतं. सुलू, तात्या, नाना, बंटी अशा विविध पात्रांच्या संवादांतून, प्रतिक्रियांमधून व्यक्त होतं.

वाचल्यावर आपल्या मनात उमटतं, ‘अरे, हेच तर माझ्या मनात होतं… ‘ किंवा ‘अगदी खरं आहे, असंच असतं हे’ अथवा ‘असंही असत नाही !’ हे खरे यांच्या लेखनाचं वैशिष्ट्य. हे लेखन आपल्याला गुदगुल्या करतं. सुखद हसवत… निखळ आनंद देतानाच अंतर्मुखही करतं… विचार करायला लावतं… म्हणूनच हे ‘हसरे बाण’ जिव्हारी लागत नाहीत, जिव्हाळ्याचे होतात…