‘उद्धव ठाकरे : द टायगर ‘ या पुस्तकात श्री. उद्धवजी ठाकरे यांची एक वेगळी प्रतिमा आपल्यासमोर मांडली आहे. एक कुशल राजकारणी, पक्षप्रमुख, मुख्यमंत्री ह्या भूमिकेतून जाताना त्यांनी आपल्या आपल्या फोटोग्राफीचा छंद कसा जोपासला, त्यातूनही त्यांनी केलेली समाजसेवा आणि त्यांची वन्यप्राण्यांविषयी आपुलकी, प्रेम ह्या गोष्टी या पुस्तकातून मांडण्याच्या प्रयत्न आहे. फोटोग्राफीसाठी लागणारा संयम, अचूक टायमिंग, एकाग्रता ह्या कला.

असीम सौंदर्य उधळले हे विधात्याने
पाहता पाहशील किती या दोन डोळ्यांनी ।
पक्षी जग निरखता मन होई दिग्मूढ
जीवन त्यांचे अद्भुत तर अंत वाटे गूढ ।।

पक्षी ही निसर्गाची एक अपूर्व निर्मिती आहे. पक्ष्यांमधील विविधता व त्यांची रंग संगती थक्क करून टाकते. आमच्या संग्रहातील पक्षांच्या स्तिमित करणाऱ्या प्रतिमांनी प्रेरित होऊन पुस्तकरूपाने हे सौंदर्य तुमच्या पर्यंत पोहचवण्याचा हा एक छोटासा प्रयत्न.

पर्यावरणाच्या क्षेत्रात काम करताना वेगवेगळ्या स्तरांवर व वेगवेगळ्या देशांत बैठका, प्रकल्प याविषयीच्या चर्चा या सतत शाश्वत विकासाचा संदेश देत आहेत. आपल्यातलीच काही माणसं कितीतरी छोट्या गोष्टी करीत असतात. अशा छोट्या गोष्टींचा हा मोठा ठेवा पृथ्वीवरच्या हिरव्या वाटा अबाधित राहाव्यात यासाठी!