महासत्तांतर

महाराष्ट्राच्या राजकीय सारीपाटावर कल्पनातीत फासे टाकले गेले. त्यातून एक अपूर्व महासत्तांतर घडलं. शिवसेनेतील अंतर्गत बंडाळीमुळे उद्धव ठाकरे यांना मुख्यमंत्री पदावरून पायउतार व्हावं लागलं. मोदी – शाह या भाजप नेत्यांच्या आशीर्वादानं त्याच खुर्चीवर कट्टर शिवसैनिक एकनाथ शिंदे विराजमान झाले. हा उठाव फसला असता तर ही धुमश्चक्री संपल्यावर इतरांच्या हितासाठी स्वतःला संपवण्याचा एकमेव पर्याय एकनाथ शिंदेंकडे होता. पडद्यामागच्या या आणि अश्या असंख्य अज्ञात नोंदींची ही अस्सल बखर.

महासत्तांतराच्या थेट परिघावर उभं राहून आतल्या-बाहेरच्या घडामोडी पाहणाऱ्या एका सजग आणि चतुर पत्रकारानं दाखवलेली मती गुंग करून टाकणारी सत्तानाट्याची अंतस्थ संहिता.

वास्तव आणि एखाद्या वेब मालिकेसारखी थरारक…